إلى أيهما تنتمي...................؟ (1)

شباب وصبايا أنتو اقترابيين ولا ابتعاديين إذا بدكن تعرفو سمعوني شوي قصدي اقرأو شو كاتبه

هلأ أنا رح أعطيكن اسلوبين بيختلفو الناس فيهن بطريقة التعامل مع الأمور في عناالاقترابيين والابتعاديين

هلأ الاقترابي مغامر بحب الكسب ولازم نتعامل معو بأسلوب الترغيب وهو بشوف الحل بكل مشكلة أما الابتعادي حذر بحب مايخسر أو همو أنو يتجاوز المشاكل الي بتواجهو بأقل الخسائر يعني ما بفكر بالربح هو بهمو عدم الخسارة ولازم نتعامل معو بأسلوب الترهيب وبشوف مشكلة في كل حل.

ورح أعطيكن مثال لحتى توضح الفكرة :إذا أنا قلتلكن ياجماعة أنا عازمتكن على حفلة مين بحب يحضر؟؟؟؟؟؟ في منكن بقول حفلة!!! أوك بجي بدون مايفكر أنو وين الحفلة أو أي ساعة أو شو المناسبة وهاد( اقترابي) وفي مين بفكر وبفكر وبيسأل وبيتردد وهاد (ابتعادي) أوك.

هلأ أنا بجي لعند الاقترابي بقلو بس يمكن الكهربا تنقطع بقلي واااااااااااااااااو طول عمري بحب الإضاءة الخافتة والشموع بقلو يمكن يحضرو ناس أنت متقاتل معهن بقلي أوك هي فرصة لنتصالح وهيك كل ما بقلو مشكلة بلاقي حل أما الابتعادي هو بيسالني أي ساعة بقلو المسا بقلي بلكي انشغلت بقلو ما مشكلة تتأخرالمهم تحضر بقلي وبلكي كان في ناس مابحبهن وهيك كل ما بلاقيلو حل بشوف مشكلة.

أوك سمعت شو سالتو بدكن تعرفو مين الأحسن مافينا نقول أي واحد أحسن كل شخص بكون أفضل مايمكن بالموقع الي بناسب شخصيتو وبرا هالموقع بكون غلط لا مو قصدي موقع يعني المنتدى قصدي موقعو بالحياة

هههههه

بصراخة اخت sun shine انا من وجهت نظري ماني احسن شخص با الكون

ويعني اقترابي وابتعادي لانو مرات اقترابي ومرات ابتعادي وكل شي حسب الضروف

ولكي من كل الشكر والتقدير

وتقبلي مروري




ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(((((((((((((((((((((((((الغا< أ > لية))))))))))))))))))))))






((((((((((((((((((((((((< أبو الفاروق>)))))))))))))))))))))